《周末魚論 》028 ～ 別忘初衷

《周末魚論 》028 ～ 別忘初衷

在略懂事以來，經歷過97年金融風暴，記憶中到03年04年左右，何文田1000尺建築面積連車位可以200萬左右買到，擎天半島連平台4xx萬買到，一般入場300多萬。

700 騰訊，港人喜愛嘅HSBC、近年多人留意嘅煤氣

而家回頭一睇，結論就係...

700 長期持有並且每年再投少許，現在已經是非常豐收。

HSBC 長期持有並且收取股息再投，好過儲蓄或使左去。投資收益真係一般。

煤氣長期持有並且收取股息及10送1紅股再投，回報也非常吾錯。

何文田1000尺連車位，可能現在200萬只能買回果個車位。

擎天半島特色戶變左幾千萬。

事後睇之前事，當然知道什麼是機會，什麼是陷阱。

機會多的是，時機只是初始之重點，之後操作尤其重要，但是需要多方面準備。這包括被動收入增長、負債情況、資產分配。

以上幾項都是在0304年左右我有考慮過的投資....當然很多經考慮過後也沒有做到。

咪玩啦，十幾二十幾前，嗰陣時啲嘢咁平俾我都搞得點啦。

記憶中，在03年遇到一個剛大學畢業會計的，佢話份工得5500。當然亦都有很多人收入非常之不錯。

到了08年金融海嘯，睇電視睇新聞，不同嘅媒體報道，這是百年難得一遇金融災難。

當時環境風聲鶴唳沒有事前的準備怎能把握呢？

今年，肺炎此事情已經影響了整個春節，直到現在也不知幾時可以復原。

封關、封城、每日新增個案，搶口罩，消毒用品、米、廁紙、衛生巾（呢樣真係唔係好明點解），人心茫茫。

現在機會多的是，花時間去研究一下對自己未來的合適投資好過啦。

其實真係唔需要跟車太貼。

把目光放遠一些，就會看到分野，思緒自然清晰。

沒有任何事情是永恆的。包括投資，情義，親人，友誼。好好享受及珍惜當下。

好好選擇你的投資項目，花心機去研究，把自己變成比一般人更了解便可以了。

正現金流為投資嘅主旨，絕對不會差得去邊。

別花太多時間去投資一些自己不懂的東西。

不需炒作，賺錢要取之有道，如果沒有底線，錢有幾難賺啊？

把炒作嘅時間花在享受下你的人生，包括生活或者工作更加有意義。

放低權慾，這些會令你失去更多。

別忘記投資初衷，如我個人投資的目的是為了自己及家人生活好一點。

好了就好好地享受，別不斷增加自己嘅慾望。

以上講的內容其實都幾廢話，道理簡單一字咁淺。

好好生活，好好把握現在，好好珍惜，這三句才是真言！

#投資心態 #理財規劃