《周末魚論》041 ～ 在波動市呃飯食之輩

《周末魚論》～ 在波動市呃飯食之輩

股市在過去兩個月，像坐過山車一樣，跌幅升幅也相當驚人。在一些REITS市場因一些過度槓杆，更有投資者因下跌而需補倉甚至斬倉，傷害相當。

至於買正股沒槓杆的朋友也現面對坐貨之時刻，市場真沒幾多人可以在3月最低位入市。《鱼魚漁》更留意到，一些股票的最低位只在某交易日某一小時出現過。作為不是全職在股市或已退休者，一般打工仔並不可能可以做得到。開個小會、傾幾個重要電話，1小時便過。預早一天set價位？咪玩啦！Set價買貨也有一定限制，唔好欺騙小投資者或你的「信眾」罷。

市場太多所謂股市KOL、乜乜物物專家喜愛吹牛，往往都誇大自己幾時幾時低位入貨，又說賺好幾十倍。又說相信什麼投資法。大家不妨fact check一下之前他/她有沒有當日或過一兩天內記錄他入貨的情況....KOL噃，點會不在自己地盤內分享自己的戰績？賺幾十倍？一個大浪仲唔放走？何況幾個浪？又信價值投資亦信場趨勢投資一早已沽貨離場。還有幾蚊的700騰訊？你問問他咁多年收了幾多股息罷，實答唔到你。因為？根本只是吹牛。基本上問幾條問題他/她露哂底了。除非當時坐緊監連電話都打唔到網都上唔到.......或甚一些KOL在過了一個月、甚至而家先同大家講「我其實極低位all in某股」，而家先提，信不信就要自行判斷了，幫唔到你。

上文寫得有點激氣，原因是太多呃飯食，呃小投資者的人。

「取之有道、用之有道」才是投資的真諦。

#取之有道 #用之有道